கார்முகில் உனைப்
பிரசவிக்கு முன்பு வலியால்
கத்துகிறதோ,
இடியாய்!
கருமுகிற் கூட்டமிரண்டு
கலந்திட்டுப் பிறந்திட்ட
வெண்மைக் குழவியே!
தோன்றிய உடனேயே
தொலைந்திட்டாலுங் கூட
தொல்லைக்குள்ளாக்குகிறாயே !
உன்னெழில் காண விழைந்தால்
கண்ணில் என்றுமே இருள் !
வானத்தில் உன் வெட்டெனில்
பூமியிலும் மின் வெட்டு !
எங்கும் இருள்!
இருளைக் கிழித்து வந்து
இதம் தரும் மழையின்
இனிய அறிவிப்பென்பதால்
இன்பம் உன்னாலே!
No comments:
Post a Comment