Sunday, August 15, 2010

அணு ஆயுதம் இல்லா அகிலம் சமைப்போம்

                        அனு தினமும்  நாளிதழை விரித்தால்
                        அணு குண்டு  வெடிப்புகளே
                        தலைப்புச்  செய்தியாய்,
                        தலை  போன  செய்தியாய்!



                        ஆற்றாமையால்  துடிக்கும்
                        மழலையரும்,மங்கையரும்
                        அலறிக் கொண்டு  ஓடும்
                        ஆடவரும்,பெண்டிரும்,

                        புகைப் படமாய்ப்  பார்க்கும் போதே
                        உள்ளம்    புண்ணாகிறதே,
                        இரக்கமற்ற  அரக்கர்களே,
                        இழி நிலையே,கடை நிலையே
                        கடைத் தேறவே  மாட்டீரா?

                        சுக்கு நூறாய்ச் சிதறும்
                       மக்கள்  கூட்டம்,
                        சுடுகாடாய் நாடு  மாறும்
                        கோரக் காட்சிகள்
                        எதிலிருந்து  சுதந்திரம்  அடைந்தோம்?

                        உலக சமாதானம் வேண்டி  பறக்கவிடும்
                     வெண் புறாவும்  வெடித்துச்  சிதறுகிறதே                    
                     வெடிகுண்டு  வெள்ளத்தில்.

                                               மாறுமா  இந்த  அவல  நிலை?
                                               மறையுமா  இந்த  துயரச்சுமை?

                                               சுதந்திரம்   பெற்று விட்டோம்
                                               தந்திரம்  கற்று,விற்றோம்
                                               யந்திர  உலகினில்  வாழும்
                                               மந்திரம்  அறிந்திடுவோம்
                                               மனதினை  மணமாக்குவோம்
                                              பின்னர்,

                                              சுந்தரமானதொரு  பூமிப்பந்தில்
                                             சுகமானதொரு   காற்றைச்
                                             சுவாசிப்போம் ,அதனோடு
                                             சுதந்திரத்தையும்    சேர்த்து!
                                         வந்தே   மாதரம்!வந்தே  மாதரம்!!       

No comments: